د فوټبال په پایلوبه کې افغانستان نن له هند سره لوبیږي

د فوټبال په پایلوبه کې افغانستان نن له هند سره لوبیږي

افغانستان فوټبال ملي ټیم تر دا مهاله په څلورو سیالیو کې ۱۶ ګولونه تر سره کړي او یو وار یې د مالدیف له خوا ګول خوړلی دی.

ټاکل شوې نن مازدیګر پنځه بجې د افغانستان د فوټبال ملي لوبډله د سویلي آسیا هیوادونو جام په پایلوبه کې د هندوستان په وړاندې د سیالیو ډګر ته ووځي.

د افغانستان د فوټبال ملي لوبډله د سویلي آسیا هیوادونو د فوټبال جام په سیالیو کې له بې سارې بریاوو وروسته د دغه جام په پای لوبه کې نن د مازدیګر پنځه بجې د کوربه لوبډلې هندوستان په وړاندې د سیالیو ډګر ته ځي.

د دې سیالۍ د لیدلو او د لوبغاړو د هڅولو لپاره، چې ټاکل شوې د هندوستان د کیرالا ښار په ټریواندروم نړیوال فوټبال لوبغالي کې ترسره شي، د افغانستان د فوټبال د فدراسیون رئیس کرام الدین کریم په مشرۍ یو لوړ پوړی دولتي پلاوی نن له کابل څخه هندوستان ته تللی دی.

د افغانستان د فوټبال فدراسیون د مطبوعاتو مسئول سیدعلي کاظمي امریکا غږ ته وویل، په دې پلاوي کې د مالیې وزیر اکلیل احمد حکیمي، په پارلماني چارو کې د دولت وزیر غلام نبي فراهي، د ترانسپورت وزیر محمد الله بتاش، د اطلاعات او فرهنګ وزیر عبدالباري جهاني، د سوداګرۍ وزیر همایون رسا، د کرنې وزیر اسدالله ضمیر او د کابینې یو شمیر نورو غړو سربیره د پارلمان یو شمیر غړي هم شامل دي.

ښاغلي کاظمي وویل، د نننۍ سیالۍ لپاره افغان ملي لوبډلې بشپړ چمتوالی نیولی او لوبغاړي به په لوړه روحیه د هندوستان په خلاف سیالۍ ترسره کړي.

Читайте также  د عراق پوځ له داعش نه د تکریت د نیولو عملیات پیل کړل

سیدعلي کاظمي وویل "هند چې د دغو سیالیو کوربه هم دی او د سویلي آسیا د هیوادونو یوه پیاوړې لوبډله ده چې په کم نظر باید ورته و نه کتل شي خو نن به د افغانستان ملي لوبډله به له خیره بریالۍ او د دغه جام اتلولي وګټي."

سیدعلي کاظمي دغه راز وویل، سبا د فوټبال ملي لوبډله کابل ته راستنه کیږي او ټاکل شوې افغان ولسمشر د حامد کرزي په نړیوال هوايي ډګر کې د لوبغاړو هرکلی وکړي.

افغانستان له دې مخکې د بنګله‌دیش، بوتان، مالدیف او سریلانکا فوټبال لوبډلو ته په لوړ توپیر بې سارې ماتې ورکړې او د دغو سیالیو پای لوبې ته یې لار پيدا کړه.

افغانستان تر دا مهال په څلورو سیالیو کې ۱۶ ګولونه تر سره کړي او یو وار یې د مالدیف له خوا ګول خوړلی.

دا سیالۍ په یو شمیر نړیوالو او کورنیو رسنیو کې هم په ژوندۍ بڼه خپریږي.

ټاکل شوې نن په کابل کې د فوټبال یو شمیر مینه وال د شهرنو په پارک کې سره راټول او د افغانستان او هندوستان لوبه د لویو سکرینونو له لارې په ژوندۍ بڼه ننداره کړي.

افغانستان په ۲۰۱۳ کال کې هم په ورته سیالۍ کې هندوستان ته د دوو ګولونو په ورکولو ماتې ورکړه، چې په کور دننه د افغانانو له پراخ هرکلي سره مخ شوه او ځینو د بریا جشن د هوايي ډزو په کولو ولمانځه.

د افغانستان د کورنیو چارو وزارت د یوې خبرپاڼې په خپرولو د فوټبال له مینه والو غوښتي چې د افغان ملي لوبډلې له بریا وروسته د هوايي ډزو له کولو ډډه وکړي.

Читайте также  اوکراین: روسیه د مالیزیالي الوتکي په پیښه کې لاس لري

په خبرپاڼه کې ویل شوي، هر چا چې هوايي ډزې وکړې له قانوني چلند سره به مخ شي.

admin

Comments are closed.
Translate »
Яндекс.Метрика