افغان حکومت د منصور وژل تائید کړل

طالبانو لا تراوسه د خپل مشر د وژلو په باب خپاره شوي رپوټونه نه ټائید کړي او نه هم رد کړي دي.

د افغانستان د ملي امنیت ریاست د طالبانو د مشر ملا اخترمحمد منصور د وژنې په باب د خپاره شوي رپوټونه تائید کړي او ویلي دي چې هغه د پاکستان د بلوچستان د دالبندین سیمه کې د بې پیلوټه الوتکې په برید کې وژل شوی دی.

د افغانستان د ملي امنیت ریاست یوې سرچینې د نوم د نه ښودلو په شرط امریکا غږ اشنا راډیو ته د طالبانو د مشر ملا اختر محمد منصور د وژنې په باب خپاره شوي رپوتونه تائید کړل، خو په دې هکله یې له نورو جزئیاتو له ورکولو ډډه وکړه.

د افغانستان د ملي امنیت ریاست د خپل ټویټر په پاڼه هم لیکلي چې د طالبانو دغه مشر پرون مازیګر ۳:۴۵ دقیقې د پاکستان د بلوچستان د ایالت د دالبندین په سیمه کې د بې پیلوټه الوتکې په برید کې وژل شوی دی.

خو د افغانستان اجرائیه رئیس عبدالله عبدالله د خپل ټویټر په پانه د ملا اختر محمد منصور د وژنې د تائید ترڅنګ ویلي چې هغه تیره ورځ د پاکستان د بلوچستان د ایالت د دالبندین په سیمه کې څلورنیمې بجې وژل شوی دی.

طالبانو لا تراوسه د خپل مشر د وژلو په باب خپاره شوي رپوټونه نه ټائید کړي او نه هم رد کړي دي.

مخکیني معلومات

د افغانستان جمهوري ریاست په یوه اعلامیه کې د ملا اختر محمد منصور د سپرلۍ په موټر د امریکا د بې‌پیلوټه الوتکو برید تائید کړی خو ویلي يې دي، چې افغان حکومت په دغه برید کې د ملا منصور د وژنې یا ژوندي پاتې کیدو د څرنګوالي په اړه څیړنه کوي او پایلې به یې ژر د افغانستان له خلکو سره شریکې کړي.

اجرائیه رئیس عبدالله عبدالله د یک‌شنبې په ورځ د وزیرانو شورا په غونډه کې خبریالانو ته وویل، چې د دې عملیاتو په اړه افغان حکومت ته د امریکا متحده ایالاتو خبر ورکړی و.

اجرائیه رئیس په دې برید کې د ملا اختر منصور د وژل کیدو احتمال رد نه کړ او زیاته یې کړه، چې د دغو عملیاتو پایلې به له څیړنو وروسته روښانه شي.

ښاغلي عبدالله وویل "د امریکا د متحده ایالاتو امنیتي بنسټونه او دغه راز، زموږ امنیتي برخې، لا هم دا مسئله څیړي، خو ډیر احتمال شته، چې ملا اختر منصور په دې برید کې وژل شوی وي."

د امریکا بې‌پیلوټه الوتکو پرون له غرمې وروسته شاوخوا درې بجې، د ملا اختر منصور د سپرلۍ موټر د پاکستان د بلوچستان صوبې په احمدوال سیمه کې په نښه کړ.

د امریکا دفاع وزارت د يوې اعلامیې په خپرولو وویل، چې د امریکا پوځ "د افغانستان او پاکستان په سرحدي سیمو کې د طالبانو په مشر ملا اختر منصور هوایي برید کړی."

د امریکا جمهور رئیس براک اوباما د دغه برید اجازه ورکړې وه.

تر اوسه طالبانو په رسمي ډول د ملا اختر منصور د وژل کیدو په اړه څه نه دي ویلي، خود اسوشیټیډ پریس خبري آژانس AP د ملا عبدالرؤف په نوم د طالبانو د یو قوماندان له قوله ویلي، چې ملا منصور د امریکا د بې‌پیلوټه الوتکو په برید کې وژل شوی دی.

طالبانو له دې مخکې هم د خپل پخواني مشر ملا محمد عمر اخند د وژنې خبر شاوخوا دوه کاله پټ ساتلی وو.

ملا اختر منصور تیر کال په جون میاشت کې د ملا محمد عمر اخند د مړینې د اعلان نه وروسته د تحریک مشر وټاکل شو خو د هغه په ټاکلو د لومړۍ ورځ نه ځینو طالب مشرانو اختلاف درلود.

منصور د وسله والو طالبانو او افغان حکومت تر منځ د سولې په خبرو کې مهم خنډ و، هغه د طالبانو مشرانو ته اجازه نه ورکوله چې د افغانستان د حکومت له استازو سره وګوري.

ملامنصور د طالبانو د تحریک د بنسټ ایښودونکو په ډله کې شامل و. هغه د طالبانو د واکمنۍ په وخت کې د هوايي ملکي چلند د وزارت سرپرست و او څه موده د کندهار والي هم و

    admin

    Share
    Published by
    admin

    Recent Posts

    Авиаперевозчик flydubai будет летать в Узбекистан

    Авиаперевозчик flydubai будет летать в Узбекистан, отмечает интерактивное издание  aviav.ru. Авиакомпания, базирующаяся в воздушной гавани…

    5 years ago

    Совершил последний регулярный авиарейс Boeing-727

    Совершил последний пассажирский регулярный авиарейс 3-моторный самолет узкофюзеляжного типа Boeing-727, отмечает интерактивное издание aviav.ru. Эра…

    5 years ago

    Заказ частного самолета в Афганистане

    {:ru} С 2013 года деловая авиация в Афганистане вступила на новую ступень своего развития. Именно…

    5 years ago

    Тюнинг воздушных судов в Афгантистане

    {:ru} КомпанияAVIAV TM (CofranceSARL) предлагаеттюнинг самолетов и вертолетов в Афганистане. Сегодня еще не все слышали…

    5 years ago

    Медицинские рейсы в Афганистане

    {:ru} Медицинские авиаперевозки в Афганистане – актуальная услуга, которую легко заказать в нужный момент на сайте…

    5 years ago

    Грузовая авиация в Афганистане

    {:ru} Интересует авиаперевозка грузов в Афганистане? Авиаброкер AVIAV TM (CofranceSARL) организует «под ключ» перелет любой…

    5 years ago